Чакаем спёкі? Падрабязна расказваем, якім будзе надвор'е з 29 траўня да 4 чэрвеня

У апошнія дні траўня — пачатку лета нас чакае ўмерана цёплае надвор’е. Пра гэта ў эфіры тэлеканала АНТ расказаў сіноптык Дзмітрый Рабаў. Ён папярэдзіў, што на гэтым тыдні ў краіне пройдуць невялікія лакальныя дажджы. У многіх рэгіёнах захаваецца дэфіцыт ападкаў, працягне расці пажаранебяспека лясоў.

У пачатку тыдня нас чакае пераменная воблачнасць, без істотных ападкаў. Толькі ў аўторак на паўночным усходзе магчымыя невялікія дажджы. Пад раніцу слабыя туманы, бачнасць да кіламетра. Уначы +7…+12°С. Удзень у панядзелак +19…+22°С, у аўторак — +17…+22°С.

У сярэдзіне тыдня сіноптыкі прагназуюць пераменную воблачнасць, без ападкаў. Толькі па крайнім паўночным усходзе пройдуць невялікія кароткачасовыя дажджы. Ноччу ў сераду + 6…+12°С, днём — +12…+17°С.

У пачатку другой паловы тыдня чакаецца пераменная воблачнасць, без істотных дажджоў. Ноччу і раніцай слабы туман, бачнасць да кіламетра. Ноччу +6…+12°С. Днём у чацвер +11…+15°С, у пятніцу — +13…+17°С.

У выходныя папярэдне магчымая пераменная воблачнасць, у суботу лакальна будуць невялікія дажджы, у нядзелю — без ападкаў. Уначы +8…+14°С. Удзень у суботу — +15…+21°С, у нядзелю — +16…+23°С.

У Брэсце ў панядзелак чакаецца днём +23°C, ноччу — +13°С.

У Віцебску ў панядзелак днём будзе +22°С, ночу — +9°С.

У Гомелі ў панядзелак днём +23°С, ноччу — +11°С.

У Гродне ў панядзелак днём чакаецца +23°C, ноччу — +13°С.

У Магілёве ў панядзелак днём +22°C, ноччу- +10°С.

У Мінску ў панядзелак днём чакаецца +22°C, ноччу — +13°С.