Палітвязень Павел Юхневіч выйшаў на волю з папраўчай калоніі № 22 у Івацэвічах пасля адбыцця пяцігадовага зняволення, паведаміў тэлеканал «Белсат» са спасылкай на крыніцу.
Павел Юхневіч цалкам адбыў пакаранне. Вядома, што ў калоніі ён ажаніўся, паведамляюць крыніцы «Белсата». Паўтара года Юхневіч мусіць заставацца пад наглядам.
Паўла Юхневіча абвінавацілі ва ўдзеле ў масавых беспарадках па ч. 2 арт. 293 Крымінальнага кодэкса Беларусі. Яго затрымалі 25 верасня 2020-га, сілавікі са зброяй уварваліся ў кватэру праз акно і дзверы. У кватэры разам з ім былі сябры Ягор Літвінка, Андрэй Войніч і Анастасія Кірык.
25 траўня 2021 года Магілёўскі абласны суд асудзіў Юхневіча на пяцігадовае зняволенне. Судзілі яго разам з Паўлам Севярынцам, Дзмітрыем Казловым, Яўгенам Афнагелем, Максімам Вінярскім, Андрэем Войнічам і Ірынай Шчаснай.
Павел Юхневіч — вядомы актывіст, сябра «Еўрапейскай Беларусі», у дэмакратычным руху ён з ранняй маладосці, быў удзельнікам руху «Зубр».